Elkarturikan

Erleak ari dira beti lanean,

eguraldi onaren begira daude,

ezin egin geldirik eztien jaube,

irauteko trankilik negu denean.

Erregina da ari gogaitu gabe,

arrautzaginen bermu geroa dakar,

erlauntza du sendatzen laster ta azkar

bakoitzaren ekintza duela habe.

Batzarrean baturik badute indar.

Kaltez bada etortzen areriorik

biziaren trukean eztena zakar.

Baderauntsa hitzari bozkariorik,

erlauntzako arrautzaz beterik arras,

beharrean ez dugun sofrikariorik!

© Alfonso Irigoien