Lehen eta orain

Iturribide aldean izan garade,

emazte ta semea batera enekin,

zenbait tigre tomatez Arestirekin

solacean aspaldi harturik gaude,

ardo beltza ondorik albora ezin,

iturriaren berri ez genekien

esanarren kaleak daramakien

norabidea letraz izenarekin.

Zaharra den Bilboko ardandegien

argitan zaida biztu lehen esana,

hitz egite, mintzatze, euskal herrien

gogo multiplikatu, zauri jarana.

Ume haur bat zen ari bustirik txixaz

ilunbetan kaleko kantoian gana.

© Alfonso Irigoien