Artizarra

Itsasontzi gurean geure burua

sukaldaritzan dugu, ta hainbat erroi

agintari eginik jarri da patroi,

lemazainak ez dakus argi zerua.

Apez behar zuenak badakar sasoi,

tirokatzera dabil etsai gaiztoa,

sinesterik gabeak onaren soa,

aldaturikan gabiltz behere ta goi.

Ontzi gurea, arren, aintzina doa,

badoa, doa, doa, doala beti,

bizi bedi betiko, ahantziz loa.

Izar bat da ageri Oriente aldeti,

egunsentia dator haren diztiran,

badoa, doa, doa, doala beti.

© Alfonso Irigoien