Uparan

Berde soinuz zelaia, belarra bikain,

mendi gailurra dago elurrez zuri,

desagertu ezinik txingor eta euri,

begiak du somatzen tristuraz lirain.

Upopeko harana, gomutaz guri,

umetako baserri, zubiko landa,

sometan orain duk pinuzko txanda,

iraganikan haugu begira guri.

Gorbeia da gorago, hartuz Lekanda,

tontor tantai Bizkaiko, libertatezko.

Arabako lautada ondorikan da.

Zadorrez naiz basora zehar bidezko.

Negarrezko ekaitza etorriarren

pozik nago haragi t'ezur hutsezko.

© Alfonso Irigoien