Zutik

Jaiotzez dut gogoan mundu itxura,

ordurarte enetzat izate gabe.

Zerk ninduen egin ni bizidun jabe,

beti zorion bila, negar aingura?

Emakume gizonok lotu garade

eten gabe lanaren zurrunbiloan,

heriotzeak gaitu sartuko loan

ditugula ipintzen milaka habe.

Zaharra berri date umezaroan,

ariturikan duke ames berria,

geroa dator beti haren ondoan.

Ez bageneza bultza Euskal Herria

zerk gintzake atxiki zoruan zutik?

non dukegu jarririk zimentarria?

© Alfonso Irigoien