Aurrera

Zatiturik herria ezin daite bil,

arranoaren gisa ezin da zaindu,

bide hori harturik gureak egin du,

ezin naite jaikirik inola isil.

Itsukeria dugu jakitez maingu,

patu batez agian zuzendu date,

estratatik hogena aldendu date,

ezalbaikendu zerzaz erresumindu.

Argi printzaren zuziz atzendu date,

eskarmenta gaitezen geure lepoan,

geure baitara biztuz mantendu date.

Jarririkan habea geure gogoan

bagoazke aintzina geure bidetik,

eten gabe ekinik geure arloan.

© Alfonso Irigoien