Ageri da

Luzaroan guduan ekin izanik

bazetorren gurera urrungo izarra,

eginikan atean oihu azkarra,

genduena espero aspaldidanik

Iskiluetan sua, zabal indarra,

bihotz barruan kea, deslai ametsa,

ezinbestez agertu izan da kexa:

ilherrian hezurrak gorde beharra.

Egunari egunak sendo badeutsa

izarra tente date argi berean,

bakoitzaren zoroak ez beu ezetza.

Usoaren zerura goazkenean,

egan eta egan, dzanga!, herrian gaindi,

eguzkia diztiran geure mendean.

© Alfonso Irigoien