Suomi

Zuek, ugartetako ta itsasoko

gizon eta andreok

bidea erratuta iritxi zerate

mundu honetara, zuek.

Zuek, uretatik irtendako

otso rubioak.

Nire herriak bezala, ez duzute zuek ere

arboladien lanbropeko

lur sakona baizik iritxi.

Zergatik utzi

barrutasuneko bideak

eguzkiaren truke?

Gure herrien bideak

barrutik zebiltzan.

Edurrak zurituak zerate,

ta zuen ile bustian

eguzkia gelditu da dizdizka.

Zuen gogoen brontzean, ordea,

ez dago

argiaren diztira zipriztinik.

Suomenlinna-ko kainoe zaharrak bezala

erdoituta daude.

Suomenlinna ta itsasora begira

kainoe zaharrak.

Itsaspearen pake geldia

konkistatu nahi lukete, apika,

Suomi-ren begi itsuok,

eta barrutasun lanbroak estaliaren

arima geldia.

II

© Joxe Azurmendi