Harrezkeroztik daramat

kanta beharra niregan.

Bideko harriak penan,

txorien lotsa sasian,

nabaritu baitnituen

bihotzaren bihotzean.

Ta harrezkeroztikan darit

arima, bertso iturri.

Pupila beltzean senti

nion mina herriari.

Noa orain euskal herrien

nekearen mandatari.

Alperrik nauzu ostika

(pekatu hau baita santu).

Deblaiki dizut abestu,

egia ez dedin galdu.

Jakingo duzu gaurtikan

zeru hau nola den (zeru ez!)

infernu.

I

© Joxe Azurmendi