IRONIA
Adar beltz minduetan badantzut udaberria.
Tenore honetan badago bakarrik segitzerik, etxartean
pasatuz soilik gure pentsamenduekin.
Leiho itxietako ordua da, baina
itzulerazko tristura honek loa kendu dit.
Arestian arratsa helduta oraindik iharturik ziren zuhaitz
honetatik oihal berde bat beraxtuko da bihar goizean.
Jainkoak ez dio bere buruari sosegurik ematen.
Tenore honetan soilik ematen zaio ameslari bakanen bati obra segitzeko martirioa.
Gaurko gauean, apirila izan eta ere, hirian elurra dario.
Ez dago biolentziarik itxura isilak eta hotzak dituenari gainditzen ahal dionik.
© Giuseppe Ungaretti
© itzulpenarena: Eduardo Gil Bera