EKAINA
Campolongo, 1917ko uztailaren 5ean
Gaur
hil egingo zaidanean
eta beste batek bezala
ikusi ahal izango dudanean
eta nere etxeko
arkazi hesian
erabat
inguratzen nauen
uhin murmurioan
loak hartuko nauenean
Urretxindorraren boza bezala
moldatzen den
hire gorputzean
iratzarriko naizenean
Akitzen dun
pikor helduaren
kolore dirdiragarriaren
pare
Uraren
gardentasunean
hire larruaren
urre zetatsua
ilunez izoztuko dun
Pantera bezala
izango haiz
airearen lastre
durundatsuek
eralkia
Itzalaren
ebaki
mugikorretan
hostagabetuko haiz
Orroa eginez
mututa
errauts horretan
itoko naun
Gero
betazalak astinduko ditun
Gure amodioa ikusiko dinagu etzaten dela
arratsa bezala
Gero ikusiko dinat
trankil
hire irisetako
breazko ortzemugan
neure begi niniak
hiltzen direla
Orain
zerua zerratua zegon
Afrikako nere herriko
jazminak
ordu honetan
dauden bezala
Loak utzi nain
Kordokatzen naun
bide ertzera
ipurtargi bat bezala
Hil egingo ote zait
gaur?
© Giuseppe Ungaretti
© itzulpenarena: Eduardo Gil Bera