ITXURALDATZEA

                1917ko otsailaren 16 aldera

Urrezko belar mukuru

baten ondoan

nago

Ikara samin bat

lehertzen eta bihurtzen da

ildo gizenetan

Lurreko jendegandik

ongi sortua senditzen naiz

Zeru aldaketei so dagieten

gizon zimurtuaren begietan

senditzen naiz

kimatzen dituen

martuxondoak bezala

Haur aurpegietan

senditzen naiz

hostogabetutako zuhaitzen

artean sutan dagoen

fruitu arrosa bezala

Hodei bat bezala

eguzkitan

iragazi egiten naiz

Borrotsua senditzen naiz

iraungitzen eta

trankiltzen nauen

musu batean