ZERGATIK?
Carsia Giulia, 1916an
Nere bihotz ilun sakabanatuak
arinduraren baten beharra du
Harrietako xoko lohizuetan
hemengo belar bat bezala
argitan nahi du dardara egin mantso
Baina denboraren uhinean
gerrarako bide inprobisatuko
harri pipituen
puska batez baizik
ez naiz
Munduaren aurpegi hilezinean
ikusi duenetik
honako ero honek
jakin nahi izan du
bere bihotz tristatuaren
labirintoan erortzen zela
Gurpil arrastroaren gisan
zapaldu egin da
nere bihotza adi zegoela
baina aurkitzen zen segika
desagerturiko nabigazione baten
itsas hatza bezala
Kraterez hornitzen den
ortzemugari naiz begira
Nere bihotzak argi egon nahi du
gau hau bezala
bengalen distirez ez balitz ere
Lautadan
jaurtikigaiaren maneran
hondoratzen
kraskatzen eta burrunbatzen den
neure bihotzari eusten diot
baina ez dit uzten
hegakadaren markarik batere
Neure bihotz gaixoa
txunditua
ez jakin arren
© Giuseppe Ungaretti
© itzulpenarena: Eduardo Gil Bera