MALENKONIA
Quota Centoquarantuno, 1916ko uztailaren 10ean
Malenkonia guttikorra patuari estekaturiko
gorputz osoan barrena
Gaueko gorputzen abandonu guttikorra
arima betean harrapatuak
isiltasun larrian
begiok ikara gabe
so egiten ez dutena
Kirestasunez kargaturiko
gorputzen abandonu goxoa
ezpain gatzatuak
urruneko ezpainen ingurunetan
iraungiezineko nahikerietan
gorputz akituen atsegin krudela
Mundua
Txundimena
begi nini amorosuen
paseo zoroan
Loarekin batean
kean doan paseo batean
eta heriotza topatzen badu
loaldirik gertuena da
© Giuseppe Ungaretti
© itzulpenarena: Eduardo Gil Bera