IRATZARPENAK
Mariano, 1916ko ekainaren 29an
Neure aldi guztiak
bizi izanak ditut
bestorduz
aldi sakon batez
nitaz kanpoan
Urrun nago neure memorioarekin batean
bizi galdu horien atzean
Iratzarri egiten naiz eguneroko
gauza maiteez bainu batean
harritua
eta lasai
Goxoki desegiten diren
hodeiak persegitzen ditut
begiak erne
eta hildako
adixkideren batez
oroitzen naiz
Baina Jainkoa zer da?
Eta kreatura
izutuak
begiak zabaltzen ditu
eta biltzen ditu
izarrezko ttanttak
eta lautada mutua
Eta senditzen da
berpiztua
© Giuseppe Ungaretti
© itzulpenarena: Eduardo Gil Bera