BASAMORTUAREN LINDORO (*)
Cima Quattro, 1915eko abenduaren 22an
Hega dardarak ke batean
hausten du begi isiltasuna
Haizeak bihitzen du
musu egarri baten korala
Goiz nabarrean banago ikaran
Bizia isurtzen zait
oroit minezko xirimolean
Orain isladatzen ditut laguntzat
nituen munduko puntuak
eta norabidea usnatzen dut
Bidaiaren menpeko heriotzaraino
Badauzkagu lotarako geldiuneak
Eguzkiak itzaltzen du negarra
Urre ederrezko
beroki epelez estali egiten naiz
Desolazionezko terraza honetatik
besoetan frinkatua agertzen natzaio
eguraldi onari
* Lindoro: Veneziako ihauterietan erabilitako maskara baten izena. Hamabostgarren lerroan Ungarettik egin du hortaz itzuliezinezko joko bat: lind'oro (urre ederrezko)
© Giuseppe Ungaretti
© itzulpenarena: Eduardo Gil Bera