IN MEMORIA
Locvizza, 1916ko irailaren 30ean
Izena zuen
Mohamed Sceab
Nomaden emiren
ondokoa
suizida
Aberririk
ez baitzuen
Frantzia zuen maite
eta izenez aldatu
Marcel izandu zen
baina ez zen frantsesa
eta ez zekien
bizitzen
Koranen leloa
aditzen den
bere odolekoen dendan
kafe bat hurrupatzen
Eta ez zekien
kantatzen
bere abandonuaren
eresia
Lagundu egin dut
Parisen
bizi ginen ostatuko
andrearekin batean
rue des Carmes 5 zenbakitik
estrata zimeldua malda bati behera
Badatza
Ivry-ko kanposantuan
beti
feria desegiteko
egunean
ematen duen
auzoa
Eta behar bada nik soilik
badakit oraindik
bizi egin zela
© Giuseppe Ungaretti
© itzulpenarena: Eduardo Gil Bera