HERRIA
Palmondoetatik ihes egin du artaldeak bakarrik
eta ilargia
gau leihorretan infinitua
Gaurik minena
tortoka iluna
herrestan
Kolore batek ez dirau
Dudaren perla hordiak
egunsentia hunkitzen du eta
bere ixtanteko zangoetan
txingarra
Haize berri baten oihuak
ugaltzen dira gaurgero
Fanfarre galduen mendietan
sortzen dira erlauntzak
Itzul itzazue ispilu zaharrok
zuen tirez blaitutako ertzeak
Eta
elur altuaren kimu zorrotzek
nere zaharren bista ohitua
mugatzen dutelarik
baretasun argian
belak ari dira lerro-lerro
Oi Aberri zure adin guziak
esnatzen dira nere odolean
Segurua bazoaz kantari
itsaso goseti baten gain
© Giuseppe Ungaretti
© itzulpenarena: Eduardo Gil Bera