EKIALDEA
Marra
lurruntsua hiltzen da
ortzemuga urrunean
Zurruma hotsa esku asotsa
eta klarina zirriborro kirringarria
eta itsaso abarra
ikara goxoan urduria
usokumea legez
Popan migrari siriarrak dantzan
Brankan mutil bat bakarrik da
Larunbat gauetan honako tenorean
Juduek
han behean
daramatzate
beren hildakoak
barraskiloen inbutuan
kaleen
argien
balantzak
Ur nahasia
loaren itzalean
aditzen dudan popako
zarata
bezala
© Giuseppe Ungaretti
© itzulpenarena: Eduardo Gil Bera