Charles-Louis Beltzuntze (Beltzuntze bizkondea) (1796ko abuztuaren 28 - Bordele, Okzitania, 1872ko maiatzaren 18) Frantziako Iraultza zela-eta erbestean jaiotako euskal idazlea izan zen.

Eider Rodriguez Martin (Errenteria, Gipuzkoa, 1977ko maiatzaren 18a) euskal idazlea da. Publizitate eta Zinema ikasketak egin zituen. Kazetari lanetan ibili da artikulu ezberdinak argitaratuz, besteak beste, The Balde, Oarsoaldeko Hitza, eta Hitzak eta ideiak aldizkari eta egunkarietan. Editore eta gidoilari lanetan ibili izan zen eta gaur egun irakaslea Euskal Herriko Unibertsitatean.
Bereziki ipuingintzan nabarmendu da, 2004an Eta handik gutxira gaur kaleratu zuen eta ordudanik beste hiru liburu argitaratu ditu: Haragia (2007), Katu jendea (2010) eta Bihotz handiegia (2017). Katu jendea ipuin liburuak XI. Igartza saria irabazi zuen (2008).
Literatur sorkuntzaz gain itzulpenak egiten ditu eta ipuin liburuak gaztelaniara itzuli ditu: Y poco después ahora (2007), Carne (2008), Un montón de gatos (2012) eta Ortigas: antología de relatos (2013). 2012an EIZIE eta Etxepare Euskal Institutuaren babesarekin Katu jendearen bost itzulpen egin ziren: gaztelania, euskaratik frantsesera, gaztelaniatik frantsesera, nederlanderara eta alemanera.
Komiki gidoigintza lanak ere egin ditu, Xabiroi aldizkarirako istorio laburrak sortuz zenbait marrazkilarirekin lankidetzan. Julen Ribas marrazkilariarekin sortutako Santa Familia komiki albuma argitaratu zuen Ikastolen Elkarteak 2017ko urrian.

Joxean Agirre Odriozola (Azpeitia, Gipuzkoa, 1949ko maiatzaren 18a - ) euskal idazlea. Soziologia lizentziatura ikasi zuen Parisen. Bi urtez Eibarko ikastola bateko irakasle izan zen, baina ondoren historia ikasteari ekin zion. Hirugarren urtean, ikasteari laga zion Egin egunkarian lan egiteko. Eginen itxiera geroztik Garan egiten du lan.

Khayyam, Omar edo Umar. (Arab. Abu al-Fath Umar ibn Ibrahim al-Khaiyami an-Nishaburi). Pertsiar olerkari, matematikari eta astronomoa (Nishapur, 1050 inguruan - Nishapur, 1123). Filosofian, matematikan eta astronomian egindako lanengatik zen ospetsu. Europan batez ere olerkari gisa zen ezaguna. Aljebrako saiakera garrantzi handiko bat idatzi zuen. Malik Shah sultanak Pertsiako egutegia aldatzeko behar ziren astronomia ikerketak egin zitzan deitu zuen. Ispahango hirian astronomia behategi bat eraiki zuen beste zenbait astronomorekin batera. Nishapur-era itzulirik legeak, filosofia, historia, matematika, medikuntza eta astronomia irakasten ihardun zion. Prosazko lan horietatik, ordea, oso gutxi iritsi dira gaur arte. XIX. mendean E. Fitzgerald-ek bere Rubaiat poemak itzuli zituenean (itzulpen egokitua) ezagutu zen Europan haren poesia, bizi zelarik ere, ez baitzegoen oso zabaldua, agintarien beldurrez.

Saroyan, William. Estatu Batuetako idazlea, jatorriz armeniarra (Fresno, Kalifornia, 1908 - Fresno, 1981). Lanbide askotan ihardun zuen idazten hasi aurretik. Eleberriak, antzerki obrak eta lan autobiografikoak idatzi zituen, molde erromantikoei jarraituz betiere. Obra nagusiak: The Time of Your Life antzerkilana (1939, Pulitzer saria), eta My Name Is Aram (1940, Aram dut izena), The Human Comedy (1943, Giza komedia) eleberriak.