Bihotza zinaukala

 1

 Bihotza zinaukala

 eskerrez beterik

 Zuretzat hoin eder zen

 egun haren gatik!

 Jainkoak deitu zaitu

 lanoen erditik,

 Maite zinuen mendi

 goi haren gainetik.

 2

 Egin derauzunean

 Urkulu-rat xixtu,

 Lurrezko gorputz hori

 balin bada histu;

 Artzain nagusiaren

 dei latz horrek zaitu

 Zeruko Urkulu-rat

 han berean piztu!

 2

 Zure Maiteaz orai

 betikotz betea,

 Goza zazu zeruko

 mendien bakea.

 Lano-pean utzi hauk

 ez ahantz ordea

 Susta orai bakarrik

 gaudenen fedea.