Berria dut aditu
1
Berria dut aditu,
behar girela sanjatu,
itsasora partitu.
Portu hoitarik behar dugu
Espainia oro hartu
Urhia multzora bildu
zilharra ere bai urthu
senorak illotinatu!
2
Sankulotak lehenik
joan ziren banderatik
etsaiaren ondotik.
Gero joan behar gira
gure musketak harturik,
baionetak sarturik,
sabriak zorrozturik,
Eginen tiagu erditik.
3
Banderak usu-usia,
fama handiko tokia,
debruez poseditua.
Hiriak behar luke
jatsaz ongi chahutu,
sabriaz karrakatu,
bolboraz isentsatu,
artilleriaz porroskatu.
4
Bordeleko hiria,
hiri eder famatua,
agradamenduz bethia.
Gu Eskualdun chazurrentzat
kontra da hango airia
buruko min bat bil eta
segur ospitalia,
han changrinetan hiltzia.
5
Eskualdunen herriak,
herri maitagarriak,
Jainkoaz benedikatuak.
Noizik behin jakiten tiguk
gone maiteñoen berriak:
heien sentimenduak
ez direla gambiatuak,
gaudela seguratuak.
|