Arranoak bortietan
1
Arranoak bortietan
gora dabiltza hegaletan;
ni ere lehen andereki ebilten khanberetan;
orai aldiz ardura-ardura nigarra dizit begietan.
2
Hartzen dit of izioa,
Iratirat ulhañ benoa;
nula beitut bizioa oihanetan khantatzekoa,
abis hunik emaitez eta egia erraitez banoa.
3
Ahaire hau zahar umen da,
duda gabe ene adin beita;
huntan nahi dit khantatu eta zuin den gazte perfeita:
gezur guti erraile beita, umil, eta series feita.
4
Arrotsaziak eder lilia,
zuhain berak du elhorria;
amorio traidoriak berarekila azotia.
Hala dio, borgatiak: begira trompa, en haurridiak!
5
Aitak diozu alhabari:
«Nun abila, laidogarri?»
Alhabak bertan aitari gezur zunbait abis hunen sari.
Orai bera dolugarri, martir beitateke sarri.
6
Orai bera doluturik dago,
bai, bena berantu zaio;
herritik Joan nahiago, egoitia laido beitzaio;
hil baledi aldiz orano hobian sarthu nahixago!
7
Hanbat duzu aflijiturik,
libertatia galdurik,
phena dolorez kargaturik, osagarriz gabeturik,
horik oro berak erazirik, amorioak traditurik.
8
Lau urtheko haur gaixoa,
leial duk hire amorioa,
hitan dezagun har etsenplu huna, mailha protsimoa.
izunkeriak eitzi, eta zerbutxa zeluko Jinkoa.
9
Khantore hoien agitian
ulhañ nintzan ni bortietan.
Phasatzen peko oihanian, abis hunik emaiten benian,
dausen ere ezin sinhets-eraziz, bankarot egin aiherrian.
10
Hartz handi bat oihan hartan
Nihauri so jarre zeitan:
hortzak xuri, lephoa lodi, begiak gorri beitzutian,
khantoren egitia eitzirik, arra-bankarot egin nian.