Badakit, eztakit
1
Bazkoz geroztik nun nola bizi
ez dakit;
Neskatxa batez orhoit naizela
badakit!
2
Haren izenik, ez deiturarik
ez dakit;
Haren begia sorgina dela
badakit.
3
Nungoa zaren, oi aingerua,
ez dakit;
Bainan osoki bildu nauzula
badakit.
4
Neska prestua, othe zarenetz
ez dakit;
Bainan zein zaren lore pollita,
badakit.
5
Dote izpirik badukezunetz
ez dakit;
Edertasunez norbait zarela
badakit.
6
Urbil-errexa othe zitazken
ez dakit;
Gogotik urbil nindaikezula
badakit.
7
Nehork hoinbertze erran dautzunetz
ez dakit;
Nik gehixago niokezula
badakit.
8
Nitaz ohartu ere zarenetz
ez dakit;
Ni bethi zutaz sutan naizela
badakit!
9
Maite gaixoa, maite nuzunetz
ez dakit;
Zu zaitudala izar bakarra
badakit.
10
Noiz behar dugun elgar ikusi,
ez dakit;
Zu ganik hitz bat plazer nukela
badakit.
11
Baiak lekarken zorte hoberik
ez dakit;
Ezak bertan hil nindezakela
badakit.
12
Zoin gisetarat mintzatuko den
ez dakit;
Ene gaitz mina fini laikela
badakit!