Itzul-inguruka

A.S.

 1

 Erho baten pare arizan nuzu

 Itzul-inguruka ene ganberan.

 Itze on bat ere ez dut aurkitu

 Ene burua urkatzekotan.

 2

 Erho baten pare arizan nuzu

 Itzul-inguruka ene bizian:

 Eneguz bertzerik ez dut aurkitu

 Ez ene baitan, ez bertzekilan.

 3

 Erho baten pare arizan nuzu

 Itzul-inguruka kanpo santuan:

 Hil-hobi bakar bat ez da zabaldu

 Eue gorputza ehorztekotan.

 4

 Erho baten pare arizan nuzu

 Itzul-inguruka dorre-oinetan:

 Gaineko oilarrak ez du kantatu

 Gaizkiak doluz konda ditzadan.

 5

 Erho baten pare arizan nuzu

 Itzul-inguruka nihauren bilhan:

 Eskuin xerkatu naiz, ezker xerkatu:

 Ene arima ez dut atxeman...

 6

 Erho baten pare arizan gabe

 Itzul-inguruka burtzoratua,

 Zertako ez geldi, nihauren jabe,

 Zerutikako argien beha?