Amodiozko kantua
A.C.
1
Gezurtia ez bertzia,
Egiazko fartzuntzia!
Senpereko Petrietan enekin dena grazia!
Osoki maite ninduzun, enea zinen guzia.
Zoin kanbiakor bizia!
Amodio laster jina lasterrago zuk utzia!
2
Mintzatu ginen gostuan,
Iduriz onez onean:
Nik zu pullit atzemaiten, zuk ere bai ni orduan.
«Elgarrendako eginak» zuhonek erran zinautan,
Eta ikusten zindutan
Ene bihotzaren jabe, erregin Mixelenean.
3
«Elheak elhe» diote:
Aizek aise deramazte!
Bainan ez zen gutartean izan xoilki hitzegite:
Urbildu ere zinaitan ezpain eta begitarte...
Eta nik, gaizoa, uste
Xintxoki ari zinela, plazer guziak aparte.
4
Eta zuk orai erraiten
Hoiek direla ahanzten:
Besta-josteta ttipiak zertako aipu dituzten...
Lagun arinak senhartzat ex ditutzula onesten...
Emazte ozarra zer den
Ongi dautazu, Fauxtina, hitx hoietan erakusten.
5
Zerk dautzu bada, Fauxtina,
Gogoa hautsi hain barna?
Xantxun-eko eztaietan nor zinadukan laguna?
Ala zaitzu agradatu Indiana xanfarina?
Ai diruaren usaina!
Ez da ez haren parerik hozteko kar beroena!
6
Halere ez dut etsitzen,
Zure beha naiz gelditzen.
Egitzu bi gogoeta bi bertze hoiek zer diren,
Zuretzat nik bezain bertze amodiorik baduten...
Nitaz bazira orhoitzen,
Hitz-erdi bat erradazu: borta dautzut zabalduren!