Landetcheberry, apez adixkideari
A.B.
1
Adixkide xahar batek, goresmenak zuri, Jakes
Ez dezaket nehol ere bihotzari egin ihes
Bihotzak baitaut gaur galdatzen, izana gatik errebes,
Pertsu hauiek, ahal bezala, zaitzaten aipa ta gorets.
2
Urte berian glnen biak nor here xokoan sortu.
Landibarren ta Arbonan bi apez-gai munduratu
Egun batez Belloc-en ginen apezterat biak lotu.
Geroztikan adixkidantzak elgarri gaitu juntatu.
3
Bainan gerla jin zenean, harek gintuen behexi
Joan baginen, nor ber'alde, lekenik zu ta gero ni,
Han zintuen bilatu gabe, lagunak ohartarazi
Zer bihotz eta kaskoaren jabe zen Landetcheberri.
4
Apeztuta Angelurat izan zinen igorria
Bikario eskualdun bat «kaskoinen» altxagarria
Jaungoikak bakarrik daki han egin duzun ongia
Angeluar zonbeit oraino zutaz orroitzen baitira.
5
Lekornetik Angelurat jin ziren zure bilari
Garroa-ko eskolarat izendatuz buruzagi
Laborantxa betidanikan izan zautzu maitagarri
Zonbat gazte, zuk moldaturik, egon dire laborari.
6
Lekornetik Larzabale izan duzu he] burua
Apendizgo hoberenez harat zinen prestatua
Beti bera, harrabots guti, bainan zer artzain suharra
Lan ederrak ez baitu maite ez espantu, ez aharra.
7
Bainan egun aipamena zutaz dute hemen denek.
Jaun kalonje gomendantak erran soles hein ederrek
Larzabaldarren izenean Jaun meraren hitz pollitek
Bai gerlako zure lagunak ta zure anai apezek.
8
Guzientzat egun hau da egun orroitagarria
Baitautzute helarazi sari ohoragarria
Kurutzea, zure egintzen seinale miragarria
Hiru-hogoi urte emanik azkenean etorria.
9
Zure apez lagunentzat zer ohore, zer loria!
Zuri egin ohorean hek ere barne baitira
Diosesa denaz geroztik denez egin familia
Gore beraz Landetcheberry, gure kalonje maitia.
10
Eta oral Jainko Jaunak luzaz eman detzatzula
Osagarri, gogo sano, pipatik zonbeit bafada.
Geroxago, berak lagunduz, Ama berekin duela
Jesus Jaunak Aitaren ganat hiak helaraz gaitzala.