Arnaud zenari
1
Nola dezaket aipa oi zure izena
Mundutik joana gatik gutan bizi dena
Barka zadazut otoi zeruko Jaun ona
Otoizño hunek behar badu eman pena.
2
Hemeretzi urtetan mundua uztea
Pena haundiagorik bertze bat badea
Hola joan zerauku Bitindar lorea
Jaunak nahiz edertu bere baratzea.
3
Berriki eskainia Jaunari bihotza
Orai eskaini dako herioaren latza
Hori behar zuela nork zezaken pentsa
Zeruko aldarean eman lehen meza.
4
Arimak ezartzeko garbi eta eder
Bere fedea zuen agertua dener
Lagun bat eman nahiz saindu ta izarrer
Aitak deitu du Arnaud bere ganat laster.
5
Hautatua zinuen artzain izaitea
Eri diren arimen ongi artatzea
Zabal zaguzu orai izeruko bidea
Egun batez biltzeko zure artaldea.
6
Jainkoarentzat bizi, harentzat sofritu
Nahiz mundu zabala osoki salbatu
Denak ditutzulakotz bihotzez onhartu
Jaunak bere zeruaz zaitu saristatu.
7
Xoriño bat airatzen nigarrez ikusi
Erran duzu: «Hiltzeko ez nindaike izi»
Ez zaitugu sekulan nahiko ahantzi
Zure etsenplua da arimetan bizi.
8
Izanen da herio munduak dirauno
Bainan deus ez da hori fedea badeno
Zure ganat hel gaiten hau dautzut oraino
Esperantzarekilan: «Ikus arte Arnaud».
9
Otoitzez gaude zuri xangrinetan denak
Adizkitzu zerutik nigarrez direnak
Kontsola-zkitzu otoi maite ditutzunak
Eta partikulazki zure ait'et'amak.
10
Guk ere joan beharko galdea jitean
Agian sartzekotan zure jauregian
Zer plazerra ginuken zure ikustean
Irri batekin beha zeruko atean.