Afrikaraino...

 1

 Afrikaraino nahi dauzkitzut bi pertsu egin, Itzaina,

 Ethorri baitzait Belokeraino zure kharraren omena.

 Eskual gazteen artean zaitu Jaunak Afrikan emana

 Zure ahotik jakin dezaten nun duten bide zuzena.

 2

 Ifernupeko zer sukhar beltzak horko jendeak dabiltza

 Ai! zorionez zuk baitaukazu argiz bethea bihotza.

 Itzaina, chuti eta gorarik eskual gazteri zu mintza:

 Aspaldi danden ilhunbe hoitan zure argiak pitz bitza.

 3

 Ezkual-Herritik hoin urrun dauden eskual gazteri goraintzi!

 Herrirat laster itzul zaitezten othoizka gare gu bizi,

 Herriko-minak baitzaituzte hor eskual-amodioz hazi

 Eskual-Herria zuek duzue sarri behar pitz-arazi.

 4

 Hil eskual-gazten odol beroan denek zin egin, denek zin

 Herriratzea hilen bihotzek zabaldu bihotz batekin;

 Herriaratzea nahiz guziek Herria maitez bat egin

 Eskual-Arima dener nausituz eta zabalduz foan dadin.

 5

 Horra gazteak bihotz erditik Iratzeder-ren bi pertsu;

 Guziak egon bihotzez garbi eta behakoz dena su.

 Jainkoa lagun eskual-geroaz nor izan daite nor kechu?

 Zatozte laster, izan gaitezen elgar lagunduz dohatsu.