Afrikan sufritzen...

 1

 Milla pasata beratziregun

 oita bigarren urtian,

 bertso bi para biar ditugu

 euskera eder batian,

 geuren izena galdu baño len

 ea akordagaitian

 gerran jarri gaituzten

 ondo geundenak pakian,

 desgrazi ori etzaigu aztuko

 bizi geraden artian.

 2

 Ezagututzen ez dira orrazak

 mundu ontako legiak,

 ondo bizitzea ez dago erraz

 jartzen ez badira obiak;

 errudituk gure esperantzak,

 dauden guraso nobliak

 negar malkuak darizkitela

 penaturikan tristiak,

 amaika amari kulpari gabe

 kendudizkek semiak.

 3

 Lau probentzikua fetxori gabe

 ez geunden eran pobriak,

 buru gabeko traidore batek

 galdu dituban legiak

 orain bezela zer zetorkigun

 jakiñ bazuben jendiak

 denbora oyetan etzegon zalla

 oyei itxitzen bidiak,

 despreziyorik ez da merezi

 gure euskera nobliak.

 4

 Zori gaitzian sartu giñan bein

 ardiyak borda txarrera,

 peligro aundiyan arkitzen gera

 obe genduke atera

 uniturikan asi gaitian

 galdu baño len euskera,

 oraiñ moduz asi ta ere

 ayek ainbeste bagera,

 geren odolak ixuri arte

 segi dizagun aurrera.

 5

 Legiez kontra sartu ziran da

 gu akordatu berandu,

 orrengatikan Euskal-erriyan 

 orrek lan txarra eman du

 galduta dauden bire oriyak

 biar ditugu zuzendu,

 oraindik ere ezdago zalla

 alkar artuko bagendu,

 bestela etziran gurezi tandik

 lanak alperrik izandu.

 6

 Gure euskera galduko dala

 batzubek aldiyote,

 alkarrengana unigaitezen

 eta kostako zayote,

 lengo aitonen lege garbiya

 ank'azpiratu nai dute,

 eta gañera kulparik gabe,

 illtzera garamazkite

 gure kargu baduen gizonak

 ez gaitu askorik maite.

 7

 Euskal-erriyak mantxik gabiak

 izan gera oraiñ daño,

 oraiñ au galtzen gizon bat zubek

 duten ainbeste enpeño

 eta gañera gerrara guaz

 moruen terrenoraño,

 utza sikiera izan bagendu

 arrazoya artaraño,

 bertan altxatu obe genduke

 Afrikan sufritzen baño.

 8

 Gerra gaixtua sortu zalako

 dogu ainbeste endrero,

 negar-malkuak saltatzen zaizkit

 au akordatu ta gero,

 gau eta egun penatzen gaude

 pakerik ez da espera,

 aspaldi ontan pasatzen dogu

 makiña bat otz-bero,

 soñeko erropak erantzi gabe

 etorri giñan ezkero.

 9

 Gerra ontako pasadizuak

 esplikatu albanintza

 Jaun zeruenak nik nai bezela

 ematen badit laguntza,

 amaika amaren anparo noblek

 emen utzi du bizitza,

 jateko falta, zer jantzirik ez,

 au da martiriyo, gaitza,

 bizi geronak ere ederki

 penaturikan gabiltza.

 10

 Mayatzian zan siñalamente

 goguan daukan eguna,

 moro oyekiñ guk azkenengo

 batalla egiñ deguna

 iñork ikasi gabetandikan

 sartu ziraden barrena,

 ill da eritu lur eztaliyan

 iñork ez du izango pena!

 sustotik ere makiñabati

 galdu zayo osasuna.

 11

 Ordubiyetan jaiki giñan da

 ez gendun kafe berorik,

 egun guztiyan atakian da

 sardiña lata bat bakarrik;

 gero atakia bukatu zan da

 etzegon alimentorik.

 geuren anayak ill da zauden

 ayek mandoan arturik,

 orla askotan ibilli gera

 ez da beingua bakarrik.

 12

 Euskal-erritik etorri giñan

 terrenuak artutzera,

 ez modu ontan sustantzi gabe

 geren burubak galtzera,

 inuzentiak aurrera bota,

 kulpa dutenak atzera,

 zer kontatuba bagenduke

 juango bagiñak etxera,

 emen semiak dauzkaten aitak

 sayatu libratutzera.