Zorioneko eguna!
Axuri-beltx
Agorrillako ANDRE-MARITAN
poza nabari alde guzitar.,.
mutil bikañen
neska lirañen
ezpain-begitan.
EGUN aundia, Euskal-Errion.
Iñon ez bezin, Ondarrabian...
gazteak aurtu
zarrak gaztetu
oi diranian.
Guadalupe'ko AMA'n EGUNA
pozaz zoratzen jartzen gaituna!
Etxe'tik urrun dagon anaiak
sarritan amets erriko jaiak...
-noiz etorriko-
ez nai orduko!
ain dira alaiak...
Lagun artera azaldua gero,
leku danetan abegi bero.
An-or kaixo l'ka,
emen besarka,
goiz-atsaldero...
Guadalupe'ko AMA'n EGUNA
erritar oro batzen dezuna!
Ollar goiztarrak ekin baño len,
ikus leiotik ongiro ote den,
t'oetik jaiki
arin, alaiki;
burausteak...! ken!
Goizeko otoitza lenen egin-ta,
gosari goxo eta apainketa:
proka txuria,
txapel gorria,
ar eskopeta...
Guadalupe'ko AMA'n EGUNA
danak gudari truka oi dituna!
¡Ara! Usterik
gabean
Arresi-ate
aurrean...
Ardi-larruzko motots lerdenak,
gizaki sendo, bulartsuenak...
¡Oar! ¡Begira!
leiaz pilpira...
¡Une maiteenak!
Gudate-eresi zarraren neurriz,
batzuk oñez ta besteak zaldiz
arroki datoz
goruntz, bi lerroz
¡Pump-otsak aldiz.
Guadalupe'ko AMA'n EGUNA
barne-zirrara sortzen diguna!
Ogei bat talde trinko, bikañak,
azki berdiñez jantzirik.
kurrindunen oyal apañak
au-aizetara zabalik...
Talde bakoitzak berekin dakar
bana-banako dirdirazko izar;
neska panpiña,
urrats ariña,
betarte goitar.
kusle danak opaz begira...
erutar-ume lirain bai'lira.
Anitz biotzen
ixil-asperen
aditzen dira...
Lari Joxepak bere kolkoan;
Jun al ba'nendi Pelio'ren tropan"...
Beingoan...! alto! entzun orduko
udari-sailla irmo jarriko.
¡Jazo izkilluak!
arnas estuak...
¡Brrrrrrrrrum-trakako!
Ango karraxi, oju ta algara,
aur-emakumeen biotz-dardara,
ango txinpartak
dumbots-zaratak...
Orrela aldizka Eliza-aurrean!
t'urrengo txanda kontseju-pean.
Geldi-geldiro
eldu zaizkigu
lerro luzean
SAINDU'ra;
t'andikan gero
nor bere naira
aldatz-bidean
aurrera...
Pozik doazke,
pozik ala're
Birjiña dagon
mendira.
Mendi gañeko
elizatxoa
otoi-egillez
josia.
Aldare erdian
AMA laztana
urrez ta lorez
jantzia.
Berori degu
Ondarbitarrak
ITXARO-IZAR
argia.
Nola esan ditezke
an gerta direnak?
Birjiña'ri zuzentzen
zaizkion arrenak?
Ordun, benaz agertzen
anima-barrenak...
Antxe, noski, biotzak
egiten lerrenak!
Erri-bazterrak gañezka jendez.
Leku garaiak arturik aurrez.
Erbestetarrak
t'are erritarrak
ikus-yoranez...
Dilin-dalanda kanpai-eskillak
¡Xi...fi ta pum...pa suzko-makillak
Zatiak urduri
irrits-ixuri
neska-mutillak...
Ikus-miñetan norbait ba'ledi,
al dun lasterren etorri bedi!
Ereslarien soñu alaiak
suspertu ditu gudari-saillak...
txiru-liru-li
ti ri-bi-li-ti
drumba-atabalak,...
Zuzen-zintzoki t'oitura legez
saillak saillari jarraitu ordez,
batzuk xaltoka,
oñak zearka...
¡bat ez lendanez!
Guadalupe'ko AMA'n EGUNA
Jotsorra ere ausartzen duna!
Gudari-buru agin zaldunak
kale zarrean bil ditu danak.
Itz-labur gartsu,
biziki sutsu...
¡azka mingañak!
¡GORA AMA GUADALUPEKOA!
¡Gooooooo...ra!!
T'orain, maiteak, gert alegiñak!
baietsi-itzagun asaben ZIÑAK.
¡Oro-bar, berdin!
Suzkilloz ¡ekin!
¡zapartu griñak!
¡AUF! ta irrintzi, goi-bea sutauts.
ORAIN DA BETI LENGOEN ARAUZ.
GUADALUPE'KO AMA'n EGUNA
guzien gabez MAITE DEGUNA!!!