Arduaren azañak

 1

 Ogei bertso berriak

 orra Tolosatik

 illia urdindu ta

 Fabrika zarretik

 inprentan ere ongi

 moldez paraturik

 moskorrak gelditzeko

 eskarmentaturik.

 2

 Arduaren bentajak

 nua edatera,

 milagro aundiyagorik

 munduan ote da;

 asi baño lenago

 iñor edatera

 zenbat konbeni zayon

 kontubak atera.

 3

 Ezta Filosoforik,

 ez Teologorik

 arduan neurriya

 artuko dionik;

 gizon aundiyak ere

 ikusi dizut nik

 beren moskorra ezin

 disimulaturik.

 4

 Gizonak galdetzen du

 -¿non da ardo ona?

 Ardoak erantzuten du:

 -Emen nago, jauna,

 zu nai zenduzket artu

 nerekin laguna

 beldur gabe pasatzeko

 gaba eta eguna.

 5

 Preso para ninduten

 Kupela batian

 geroztik emen nago

 sei illabetian;

 nik lagunduko zaitut

 amorio on batian,

 begira izan eztayen

 zuretzat kaltian.

 6

 -Peleatzera nator,

 Ardoa, zurekin,

 zenbat indar dituzun

 bear nuke jakin;

 betor, matzaren kasta,

 bere adarraikin,

 ez naiz ikaratuko

 aren indarraikin.

 7

 Ardoak esaten du:

 -Begirauk, tontoa,

 ez badek ateratzen

 obeki kontua

 laister jarriko zaizu

 mingaña tontoa

 burua makurturik,

 oso zoratua.

 8

 Arduak esatendu

 berak aditzera:

 -Aski edandezute,

 zuazte etxera,

 zertara etorri zera

 guri agintzera?

 oraindikan nerekin

 nagusi etzera.

 9

 Gizonak eluke

 ez jayo munduara

 Arduak galdutzekoz

 bere ezaguera,

 noiz nai amilduta

 erreka edo ura

 igual sartuko da

 sukaldeko sura.

 10

 Batian arrastaka,

 bestian erori,

 nolabait etxera

 gizon eder ori,

 gero maldiziyoka

 andre gaxuari

 txapela kendutzeko

 tabernariari.

 11

 Gizona etzanzaitez

 pakian oyera,

 eguna argitzian

 konponduko gera;

 txapela prenda utzita

 etorri altzera?

 kreditu ederrenbat

 badegu sartzera.

 12

 Arduak etzuela

 zenion indarrik

 txapela batengatik

 ez egin negarrik;

 ez det ikusi nai nik

 orrela senarrik,

 ez du buru galduak

 txapela bearrik.

 13

 Esaten dizut bada

 beti alperrikan,

 ezaitela gustatzen

 gizon moskorrikan;

 beti txapelik gabe

 zu tabernatikan,

 ondatuko zenduke

 Leon-go fabrika.

 14

 Alako gizon txarra

 moskortzen danian

 lengo pensamentuba

 ditu mingañian,

 ez barkaturik egin

 gaurko egunian

 ardua geldi dedin

 kreditu onian.

 15

 Aski da ikustia

 andre bat ordiya,

 emango eta nayago

 beti egarriya,

 nonbait legorra dago

 arren eztarriya,

 ori da biziyo bat

 etxe galgarriya.

 16

 Alako fameliyan

 bada sobra neke

 neregandikan beintzat

 urruti nai nuke;

 Burdeos bukoyak ere

 bere baluke

 iru urte baño len

 tragatuko luke.

 17

 Edari gustozkoa

 matzaren zumua

 orrek enredatzendu

 galanki mundua,

 gutxi izana dute

 batzubek damua

 naiz egin dezatela

 non nai alderua

 18

 Andria ezin altxa

 senarra ari da

 parrez itotzen dagon

 jendia begira,

 altxatu dolorez ta

 berriz erori da

 zikintzeko beldurrak

 loyaren erdira.

 19

 Oriyek ikusita

 moskortzen denari

 pozik emango nioke

 frasko bat edari,

 ez naiz ikaratuko

 esatez ori,

 sekulakoz arekin

 eskarmentak bateri.

 20

 Au da errematia

 gure arduarena,

 ia nor asiko dan

 moskortzen aurrena,

 bizio guzietan

 ori da txarrena,

 mandamentu guziak

 galdetzen dituena