Kopla berri-zaharrak prmaderan lili...
Aurre, Jon
Lehen lorea sahatsa
etorri dator bedatsa
oraindik orain lurrunduz doa
barrutik kanpora hatsa.
Zure begiko tristura
ahal baneza eskura
gorputz osoan dasta dezazun
elur urtuen freskura.
Sentimendu bat zen nigan
azalduko dut segidan
Urgull mendian primadera da
zozo beltzak esan zidan.
Ez nagoelako hilik
ezin naiz egon isilik
zure malko bat aurkitu nuen
belar puntatik zintzilik.
Negarranpulu zuria
tristeziaren euria
zinen lekuan krabelin bat da
gorria bezain guria.
Negutik udaberrira
zeuri naukazu begira
Urgull mendiko erresiņola
penak kantatzen ari da.
Urtuz doaz elurteak
ibaiak urez beteak
udaberritik udaberrira
kontatzen ditut urteak.
Neguan belar gordea
ausartu zaite ordea
kolore berdez ikusi nahi dut
berriro ere Gorbea.
Zu zara udaberria
urrutitik etorria
urterik urte sorgin-aginduz
lorez janztera Herria.
Ai ene maite maitea
triste begi-bitartea
zeuretzat ditut honako koplok
eta kontsola zaitea.