Ba-noa
Aurraitz
Ba-noa.
Au poza!
Abeslari daukat biotza.
Agur, atzerri legorra,
atsekabeen zelai ankerra.
Ba-noa.
Au poza!
Zapartari daukat biotza.
Ba-noa.
Aberrira,
Euskalerri'ra,
Aiengiz'ko baso-artera,
ETXERA!
Begira daukadaz etxekoak
-neure kutun laztanak-
adiskide, lagun ata auzoak.
Ba-noa.
Au poza!
Agur, betiko, atzerri itsa.
Baitegitik urtetako neban
baizen aundia da nire poza.
Laster ibituko nire errimin,
eta igesi biotzeko samin.
Neutarren artean
-geure oillo-lurrean-
izan gura dot, ba,
paz eta atsekabe,
goibel ta pozkida,
Urtzi'ren aldea
une guztietan
ustetsu eginda.
Ba-noa.
Sekula olako pozkidarik!
Zain daukat ba, zapuztu neban
zoruna, maitasunez beterik.
|