Sortu berri bati
Atalki
1
Zato gure etxerat, otoi, zato, Xabi.
Hor egin dauzugu, goxo, ezti, kabi.
Aita eta amatto izanen gira bi,
Zure zaintzeko eta maitatzeko, Xabi
2
Aitak egina dauzu ohakoa, berak.
Zurean sartu itze bakotxaren otsak
Zure sortzea zaukun alai kantatua,
Zure jitea, azkar, gu baitan sartua.
3
Amak egina dauzu lehen soinekoa.
Hari piru bakotxak, barna bihotzean,
Zure izena dauku punduka josia,
Biak ginaudelarik zure haiduruan.
4
Iņarek egin zuten kafi, heatzean,
Umetxoek, sorturik, hegalka airean,
Xaramela zezaten, alaiki zeruan,
"Ongi etorri Xabi, zure ohantzean."
5
Jin zira gutarterat, hor zaitugu, Xabi.
Gure etxean bazen zuretako kabi.
Zure maitatzeko ta zaintzeko gira bi,
O zer zorion ezin mugatua, Xabi.