Emakumea
Arzallus, Jesus M.
1
Zure gandikan sortua naiz ni
Ta ez dut bate penikan
Bestela ez nuen gorputzikan
Ta ez irudimenikan
Errespetoa behar dizligu
Ez da baste biderikan
Nahiz ta gizona aurrerantz doan
Tresna guzien teknikan
Mundu hontara etorritzeko
Ez dago beste trenikan.
2
Izadiaren erdian eta
Lur gaizto hontan hazia
Denak bezala zure gain duzu
Zure bizitzan hauzia
Etzera izarren tartetikan
Jostailutzako jausia
Zu zera zure bide guztien
Gidari ta nagusia
Hamaika oihu egina gaitik
Entzur gor mundu guzia
3
Bildurrik gabe bota ezazu
Askatasun irrintzia
Nahiz deader batek ez ireki
Gizonan zentzu itxia
Belauniko bizi baino askoz
Obe da zutik hiltzia
Gizona duzu zure laguna
Gizona zure pistia
Bihurtu nahi zaituelako
Ilunpetako pitxia.
4
Ez dago dudik emakumea
Zera edozertako gai
Bainan oraindikan gizon askok
Hori nola ez duten nahi
Baskaria ta afaria prest
Etxera etortzean bai
Zure nagikeria bera da
Zure bizitzaren etsai
Ez zaitez egon askatasuna
Berez loratuko den zai.
5
Lanikan gabe zaudete asko
Ta badezute zer egin
Bainan berdin da aurkitutzea
Ume zai edo lantegin
Inoren esklabo izatea
Ez zaizu bate atsegin
Zure burrukak daraman martxa
Ez dezazula uts egin
Zure kateak duen grilua
Lenbailen desegin dedin.
6
Askotan familia hartu da
Zuek lotzeko amutzat
Eskerrak gaurko emakumeen
Hitzak ez diren amutsak
Nahiz eta birtute berezi bat
Eduki zuen gorputzak
Gizonen mundura sartutzeko
Behar dituzu laguntzak
Erakusteko etzeratela
Haur sortzeko tresna hutsak.
7
Arren ez zaite bultzaka ari
Argirik ez den atean
Alperrikan indarrak gastatzen
Zure buruen kaltean
Gure gurdian zoaz loturik
Kapitalisten katean
Justizia hartu oinarritzat
Langileekin pakean
Emakumea askatu dedin
Euskadi libre batean.
8
Azkenik dei bat heur edo neskatx
Andreak eta atsoak
Zure arima ez dezala jan
Beleak edo otsoak
Zugaitz horretan itsatz ditezen
Adarrak eta ostoak
Usain goxoa duten loreak
Fruitu bon bezain gozoak
Lenbailen entzun ditzagun
Zuek kantatutako bertsoak.
