¡Zurekiñ!
Arzac, Antonio
¡Justachu! ¿non gaude gu?
¿Bizi gera emen?...
¡Ez neska nerea, ez,
Or zurekiñ, orchen!
Bizirikan gaituzu
Zerura jasotzen!
................
Aingeruak zu gabe
Triste omen zeuden,
¡Zabiltza or goietan
Berakiñ jostatzen!
Baña ¡ai!... zeñen bakar
Geran gu arkitzen!
..................
Gure echean beti
Zutaz itz egiten,
Beti ¡ai! zu billatzen,
Beti zuri deitzen,
¡Justacho! ez gaituzu
Iñoiz eranzuten!
................
-¡Osaba! ¿zertan zera
Zu orla penatzen?
¿Aztu al zaizu nola
Zenidan esaten
Zerurako giñala
Guztiyok jaiotzen?
¿Ez dezu len bezela
Zerua maitetzen?
¿Ez dezu len bezela
Oraiñ errezatzen?
¿Ez dizkatzu Jesus-i
Musuak ematen?
¿Zergatik zera bada
Orrela penatzen?
¿Zeruetan nagola
Ez dezu ikusten?-
.................
¡Eskuen artera zait
Burua erortzen!...
¡Barkanazazu ¡jauna!
Bazaitut aztutzen!
|