Tristura!
Arzac, Antonio
Guraso ta semiak
Agoni larriyan,
Urak estalirikan
Gabaren erdiyan,
Dolorez ¡ai! ill dira
Konsuegrako erriyan,
Negarra zabaldurik
Españi guztiyan!
¡O zer tristura beltza
Nere biyotzian
Eriotz zulo artan
Pensatzen jartzian!...
¡Aur, andre ta gizonak
Pillan ikustian,
Ez eche ta ez ezer
Lurraren gañian!
¡Negar chiki aundiyak
Euskaldun lurrian!
¡Negar arriyak ere
Gure Donostian!
¡Korri konsolatzera
Alegiñ guztian!
Guztiyok egiñikan
Bat ¡Karidadian!
|