¡Negar zurekiñ!
Arzac, Antonio
Neukan anima pekatuz estalirik,
Aranza luze batek zuen zulatzen,
Baña ¡Jauna barkanazazu! esaten
¡Eziñ jarri nitzan ¡ai ez! nuen indarrik!
Etzala aski iduritzen zitzaidan
jaunaren ontasuna ni barkatzeko,
jesus baten odola ni salbatzeko
¡Zer lañoa aurrean jartzen zitzaidan!...
Ordu pisuak, mintasunez beteak,
Ziran pekatuaren frutu tristeak,
Ta ¿nola kendu? konfesio on batekiñ;
¡O Ama! esan nuen, ¡kupizaitea!
Birjiñak eranzunik:-¡nere semea!
¡Atoz!... Nik egingodet¡negar zurekiñ.-