Plaza-Urrutia Koloradon
Artzaina, Manex
1
Hiru edo lau bertsu nik egun nahi nituzke moldatu
Suieta ere manerakoa baitzeraut egun gertatu
Hiru hogoi ta hamabortz urte baititut egun konplitu
Harrabots, haro haundirik gabe nahi dut zerbait aipatu.
2
Hiru hogoi ta hamabortz urtez egin dutan ederrena.
Aurten egina dut Amerikan den errabot xarmantena
Orhoitzapen bat utziz euskaldun zahar ala gazteena
Josta zaitezten luzaz pilotan zainduz euskalduntasuna.
3
Urrun izanik ere Euskadi gu guzien sor-lekutik
Xoraturikan gaude errabot berri ondoan bildurik
Sarri izerdi uretan denak elgar ezin bentzuturik
Plaza-Urrutia dauka ederki izena ondo emanik.
4
Euskal semeak barreaturik gaude mundu huntan gaindi
Beti aintzina atxik dezagun: pilota nehoiz ez utzi
Ibil dezagun airez airetan, ez naike oraino geldi
Medikurikan ikusi gabe nabil beti pilotari.
5
Adinekorik banu egiten diot bat edo bieri
Hamar bat mila liberakoa jokatuz frantses sos berri.
Hau zuretako Baionan zauden Cheval-Blanc-ko nausiari
Hobeko duzu erdiratzea gerriko itzuli hori.
6
Itxaro Borda, zuri ari naiz orai urrundik galdeka
Ni garrait nahiz egina duzu noizbait nahiko lasterka
Zuk Amikuzen xeka laguna bermatzeko ene kontra
Adin haundian ere ni banaiz bier, mutil ala nexka.