Kaliforniatik
Artzaina
1
Denbora pasa eta egiaz mintzatuz,
Lehen, aldikotz hemen ariko naiz kantuz:
Hainitz ikusten baita estadoz aldatuz,
Ez dut deusik erranen batere urguluz,
Frogatuak baititut denak ene gostuz.
2
Elhurretik ihesi denbora onera,
Gaitzaren eztitzeko hau dugu manera:
Ipar-alde neguan hotz duzu sobera;
Aire hormatuari hezurrak minbera.
Hortakotz gira heldu Kaliforniara.
3
Hunara gireneko, euria gogotik,
Jainkoak igorria burrustan zerutik.
Bazka badago orai ageri lurretik.
Partida ez da batre higitzen lekutik,
So egin baitezoket kanparen barnetik.
4
Alfitaren barnean euria gogotik
Zaro, Uharte, Lasa, Anhauze, Baigorri!
Gizon gazte azkarrak, lehoinak iduri...
Ez dakit nork dituen hunarat igorri:
Eskual-herrian daike falta hau ageri!
5
Gizon prestu ixila Oxe Uharteko,
Langile aditua, halaber zentzuko,
Egiteko den lana ez baitu utziko.
Bainan... kasu batean ez duzu hitzeko;
Hunen beha dagonak badu etsitzeko.
6
Renaud baitu izena kanpera haundiak,
Lanak emaiten ditu denen asetziak.
Trokak ibiltzen ditu jatekoz betiak:
Ogi, arno, oilasko, gasna-keneriak.
Estar guziak dauzka bantzu hustiak.
7
Huna berriz bolanjer Frantxua panadero;
Hunen ogiaz dira gustatuak oro:
Axai gogorra eta mamia du harro.
Zonbat jaten-dutan nik pentsaketa nago.
Zortzian bortz biribil bada naski frango.
8
Maiordoma nagusi, Arretx Baigorriko:
Bere arrazoinetan ez duzu galduko.
Ardi ala ostatu, on da orotako.
Kalifornian badu adixkide frango.
Los Banos izanen da orai San Fransisko.
9
Ixiltzen nuzu orai, hauxe erran-eta:
Geiago mintzatzeko eskas dut kopeta.
Koblari xarra baniz ez da ene falta.
Dohain poxi guzia Jainkoarena baita,
Araberan dezagun denek hura maita.