Olloak eta arrautzak
Artola, Ramon
Lau ollo alkarrekin
ziranak bizitzen,
arrautzak egiten maiz
ziran ikusitzen.
Egunero egiten
zuten laubak bana,
au zan berelan bide
zerabilten dana.
Egun batez joanikan
arrantzaren billa
neskacharen tokiyan
echeko mutilla,
onek esan zioten
ollo on aieri,
emango ziotela
nai ainbat janari,
egin naibaizituzten
arrautzak gordean,
ark bestek etzekiyen
paraje batean.
Lau olloetan birek
au arturik ontzat,
asi ziran egiten
arrautzak arentzat.
Batek egunero bat
utzitzen baitziyon,
asi zan egunetik
paltatzen etziyon;
Besteak berriz iņork
etzeion igarri,
egun biz bat utzitzen
zion mutillari.
Gisa ontan zirala
gertatu zan gaya,
zelebratutzekoa
eguberri jaiya.
Ontan nola bear zan
eltze onbat egiņ,
kontatu zuten ollo
etako batekiņ.
Eta joanikan laubak
zeuden parajera,
zein ill sententziya au
zioten atera.
Esanaz arrautz gille
gertatu ez dana,
izan dedilla gaur ill
ta jan bear dana.
Eta eramanikan
bera sukaldera,
an zioten lepoa
labanaz atera.
Au ikuzteaz ollu
kulpaz kutsutuba,
ikaraz izandu zan
aurrera justuba.
................
Ona leziocho bat
bearra guretzat,
orra zer dagoan gero
traidorearentzat;
Bi abotatikan jan
naiduben askori,
sinistu gertatuko
zaiola lan ori.
|