Ollo talde eta katuba
Artola, Ramon
Talde onetan baitzan
ollar bat azkarra
baņan zana jenioz
biziro kaskarra;
beti baitzuben beste
ezin ikusiya,
berak bakarrik izan
bearra guziya:
eta ala bein denak,
pakeari ibildu
eta, ziran denboran
lotarako bildu,
bide gabe nai izan
zizkaten dollorrak,
ollo denari kendu
buruko galyorrak
esanaz: koroi oiek
zertako zituzten,
zertan aren aurrean
kentzen etzituzten,
an ainbeste koroiren
bearrik etzala,
bat diņa zala ta bat
berak ark zeukala;
goian agintari bat
bakarra zan gisan,
bean ark agintari
bear zula izan;
eta artaz borroka
eta zalapartan,
zebiltzala, echeko
katu ona lotan
zegoana, esnatuta,
joanik beretara
berari zion bere
galyorra atera.
...............
Onek erakusten du
panparroi askori,
gertatutzen zaiola
kontu modu ori;
eta beste ez dedin
gai ontan gertatu,
pasarte au gogoan
bear dala artu.
|