Oh, euskal-erri maitea
Artola, Ramon
Zuri begira nago
Bañan !nola! ¡nola!
Lengo antzikan ezin,
Emanik iñola;
Atzo ziñan zori on,
Guzien krisola,
¿Eta gaur? gaur bestien
Gisan Española,
Non dira zure famak,
Zure kondariyak,
Aiñ eder apaindutzen
Zinduzten gloriyak?
Lenengo biotza ta
Urrena begiyak,
Oroitzean negarrez
Jartzen zaizkit biyak.
¿Non dira Erromatar
Gudari abillak,
Godoak, Kartagoak,
Eta Moro pillak?
Eta ezin ustarpetuz
Millak eta millak,
Euskaldunak gandikan
Izan ziran illak.
¿
Non dira ondorengo
Inbiriosoak
Zabaltzen zituztenak
Urrezko lazoak?
Ill ziran, alperrikan
Emanik pausoak,
Engaituz lotu gabe
Lengo gurasoak.
Zu zera ¡oh! zu zera
Euskal-erri ama,
Iñoiz iñoren mende
Egon etziñana;
Eta gero zedorren
Naiezaz ziñana
Bat-du Españiako
Koroiarengana.
Geroz ere libreak
Zeuzkazun erriyak,
Eta pozez janziyak
Zelai ta mendiyak;
Zinduzen zorionak
Aiñ ziran aundiyak,
¡Zu ziñan Amerikak!
¡Zu ziñan Indiyak!
Egun aiek joan ziran
¡Bai! ezin ukatu,
Zer pasa-zan kontatzen
Ez det nai nekatu;
Egin bazan ezbazan
Utz edo pekatu,
Zuretzat ziran lengo
Kontubak trukatu.
Denborarekin gauzak
Emanikan jira,
Beste kristal batetik
Gaude gaur begira;
Baztar guziyak triste
Ikusten baitira,
Zure lengo graziyak
Ezkutatuk dira.
Egun batean gaizki
Jarri ziñan oso
Ezin zere bururik
Zendubela jaso;
Min charra biotzean
Gelditurik preso,
Geroztik bizi zera
Biziro penoso.
Aspaldiyan etzaizu
Gaitzikan arindu,
Ezpada lendandikan
Ere zaizu gaindu;
Zure biotz eriyak
Illtzeko ain mindu,
Adioa ama ona
Zureak egindu.
Len zenduben arbol bat
Min sendagarriya;
Antziñako asaba
Zarrak ezarriya;
Bañan gaur nola bera.
Igartu dan iya
Galdu da zuretzako
Aren alderdiya.
Arbolak zeukan arte
Bere ontasuna,
Zureak ziran poza
Eta osasuna;
Orain azaldurikan
Aren ondasuna,
Ezkutatu da zure
Zoriontasuna.
Aritz arbol santuba
ikusi da galtzen,
Bere grazi ederrak
Lur azpian zartzen;
Berririkan ez bada
Oin orde irartzen,
Ama maitea zera
Biziko penatzen.
Zure lengo disdizaz
Zeuden kondariyak
Ostikotu ta dira
Gainduko berriyak;
¿Zer esango da gero
Ikustean biyak?
Nano jira zirala
Jigante aundiyak.
Aundiyak dira zure
Biotzeko penak,
Bañan berriyak eta
Senda litezkenak;
Aitor-eta seme onak
Izatera denak,
Biur zitzaizkitzuke
Poz, zori on lenak.
Poz ou biurtzen bada
Zure erraietan,
Ongilleak nor diran
Jakingo di bertan
Izenak ezarriko
Dirade letretan
Urrez, liburutan da
Brunzez paretetan.
|