Martin, berak paratako estropara-ko kantak saltzen

Artola, Ramon

 Martin.-Andre Asensi, kantak erosi

 bizaizkit, gaur naiz ta

 saldutzen asi;

 Asensi.-etzatoz tratu charra aututa,

 dendara kanta zarrak aututa;

 Martin.-ez dira zarrak,

 eragin eraztikoak farrak,

 jotzea libre badira charrak.

 Martin.-Ia arbitza, irakur bitza,

 emateiot onak

 dirala itza;

 ezbedi gelditu paper gabe

 lenbailen egin obedu jabe

 Asensi.-ez daukat betik,

 ken zaitez nere aldamenetik,

 ken zaitez, kendu, zuaz emendik.

 Martin.-Letzen balitu, ta entenditu,

 emango leieke

 milla meritu;

 onlako kantikan aspaldiyan,

 edo oraingo giza-aldiyan,

 ezta argira;

 paper bar artu eta begira

 jar bedi, jarri, ederrak dira.

 Martin.-Nola dan kia, ain da merkia

 lan ontan nik egin

 detan nekia;

 artu bizaizkit chakur biyan bi,

 bestela amarrekin amabi;

 Asensi.-ez, ez, ez, ez, ez;

 ez gaude zure kanten bearrez,

 aituba zaude ezetz ta ezetz.

 Martin.-Bañan Asensi, obek ez utzi,

 arto bear nazki

 ditzan ikasi;

 Asensi.-artuko detana da nik kana,

 puntan burni lodiya daukana,

 aguro gero;

 zuri kostillak jartzeko bero

 jira naibaldin banazu ero.

 Martin.-Eztet galduko, ditut salduko,

 erostunak dira bai

 azalduko;

 adios echekoandre miña,

 piper geiegirekin egiña,

 beste bat arte;

 bedorren gandik nai det aparta,

 bizi munduba bukatu arte.