Errioko arranzalea

Artola, Ramon

 Itsasotik arraiak

 pillan erriora

 sarturik, zebiltzala

 eziñ igoz gora,

 sarearen billa zan

 joan arranzalea

 bete zezan arrai on

 ayekin sarea;

 bañan lagun bat topoz

 egiñik bidean,

 sobra denbora pasa

 zuten jardunean,

 eta sarearekin

 zanerakoz jira,

 arrayak jachi ziran

 itsaso aundira:

 segiran jarri zuben

 sarea urean,

 baña non ayek ziran

 sartuko sarean,

 allegaturik aruntz

 ichas otso mota,

 zion sarea milla

 puska egin jota,

 eta lenago zana

 sarearen jabe,

 gelditu zan geroko

 sarerikan gabe.

 ...............

 Gaur egin bear danik

 ez utzi bigarko,

 non ura bigar eztan

 agiyan biarko;

 urak joanta sareak

 botatzen badira,

 arrai guchi sarean

 echerako dira.