Aphirilaren hamarrian
1
Kantoreñoak berririk
Alegrantziaz emanik,
Orai kantatzen ditu nik.
Egundainon ez dut izan
Oi hulako plazerrikan,
Sortuz geroz, mundu huntan,
Ene baithan,
Kasik ez dakit non nizan!
2
Aphirilaren hamarrian,
Erretreta joitian,
Hiritik zitadelan,
Athera ginen athetik,
Bi zentinelen artetik,
Jauzi eginik zubitik,
Goratik,
Galdekin gabe konjitik!
3
Ai, muthikoak, non zirezte?
Ongi urusak zirezte!
Orai hor baitzirezte!
Ethorri tuk jandarmiak,
Zazpi ongi harmatuak,
Menotak einik berriak,
Dobleak,
Koletekilan guziak...
4
Horra orduko jandarmiak,
Oi heien konplimenduak
Bai eta sendimenduak!
Hasi ziren zalapartaka,
Lurrari ere ostikoka,
Beren biloer tiraka,
Sakreka,
Nehori ezin mendeka!
5
Erran ziotenean
Lau bazirela barnian,
Kontent zirela orduan!
«Behar tiauk estekatu,
«Ongi-ongi amarratu,
Kachotian ere sartu,
Guardiatu,
Ez zaizkigun espekatu...»
|