Erriko seme iruchulotarra

Artola, Ramon

 AMALAUDUNA.

 Oso dibertituba

 Erriyan izanik,

 Ez du erriko seme

 Beste izenik:

 Bada ez da gaurikan

 Ez ere egunik,

 Zerbait, jolasbidetan

 Ikusten ezdanik;

 Onlakorik zanik,

 Ez nuben aste nik,

 Ez deizkiyo danik,

 Beretzako lanik,

 Baldin dibertitzeko

 Badu lagunik.

 Jolaserako griña

 beste gaitzik ez du,

 alderdi guziyetan

 portatzen da prestu.

 Ala ditu erdaldun

 nola euskaldunak,

 denak nai diotenak

 guztiyak lagunak.

 Buruz argiya da ta,

 ongi itzegiña,

 alderdi guziyetan

 oso atsegiña.

 Guziz egoki daki

 gezurrak kontatzen,

 egokiyago berriz

 dantzan ta kantatzen

 Eta egiten beste

 norbaiten papera,

 iruri arazten du

 beste dala bera.

 Ura dagiten tokiyan

 tristurikan ez du,

 denbora pasatutzen

 biziro errez da.

 ................

 Allegatzen danean

 iñautegi pesta,

 echean asko aldiz

 ikusiko ez da.

 Austerre pasas arte

 zaldun iñauteitik,

 ez da izaten geldi

 egoteko betik.

 Erdilotan enzuten

 badu danboliña

 seguru du berekin

 lo eziñ egiña;

 Idiya bañan len da

 irteten kalera,

 noiz egingo daben ark

 beiteitik karrera;

 Gero bere arrekin

 kalerikan kale,

 ibillirik zapatak

 urratzen debalde,

 eramaten danean

 ura beitokira,

 joango da Lagunakin

 emanikan jira,

 zumerikan onena

 daguen parrokira

 (klarogo esateko

 sagardotegira)

 .............

 Sarri azaltzen zaio

 berriz beste pesta,

 zer jolaz izango dan

 asmatzen errez da.

 Lenago ditu meza

 bezperak galduko,

 idiyetara duben

 bañan paltatuko

 Berekin izango du

 bere kapa zarra,

 zenbait aldiz idiyak

 sartuba adarra;

 eta tarratarikan

 ezpada bestetan,

 siñale dala ongi

 atera pestetan;

 bada bere sastrea

 izanik idiya,

 arrek artutzen diyo

 maiz galtzen neurriya.

 Ez dakit nola miñik

 artzen ezduben nik,

 egundañon ikusi

 ez det artzen miñik.

 Ala non idiyakin

 nola zezenetan,

 inpernuko Pachi-ren

 antza da denetan.

 Beste jolasik ere

 bear bada egin

 lendabizi kontatu

 oi du berarekin.

 Denetan egiten du

 nor baiten papera,

 jantzi mudatu asko

 oi ditu atera.

 Ain laster ikusten da

 oso pormal plazan,

 nola chimukeritan

 saltoka ta dantzan.

 Ez diruri dubenik

 ezurrik berekiñ,

 izatekoz, artuko

 lukela nago miñ.

 Eguna igarota

 zer esanik ezda,

 illuntzean asten du

 berriroko pesta.

 Plakiyaren beldurrak

 kendurik lenengo,

 jolasean asiko

 ez da azkenengo.

 Komediyarik bada

 irtengo da bera,

 graziyaz egiteria

 nor baiten papera.

 Andik gero joanikan

 danzako tokira,

 emango ditu danzan

 makiña bat jira;

 bada ura bañan len

 ni nekaturikan,

 lotarako echera

 joaten naiz andikan,

 Eta geroz nola ark

 segitzen duben an,

 aurrerako berririk

 ez nezake eman.