Arbola eta arrosa

Artola, Ramon

 Arbolak inguruban

 zeukan arrosari,

 esan zion, adarcho

 bat ortikan neri

 luza zadazu, lotu

 dezadan berriyan,

 arkitu nadin beste

 ichura berriyan;

 uztai zaitia nere

 gorputz ederrian,

 or egon gabe zauden

 bezela lurrian;

 grazi geiagoz zera

 emen igertuko,

 eta bidez ni nazu

 berriz edertuko:

 eta gustaturikan

 ura arrosari,

 segiran zion bota

 besoa berari.

 Ala joan zan edertzen

 arbol liraiñ ura,

 gustatzen zan moduban

 chit bere ichura;

 batian ainbesterañon

 zan lorez estutu,

 edo lore aranzak

 lotu zuten estu,

 abiatu zitzaion

 estutzen asnasa,

 etzubela artutzen

 bear bezin lasa;

 eta asirik ere

 ostoak igartzen,

 martiri lorepean

 ikusi zan iltzen:

 .................

 Gazteak begiratu

 ispillu onetan,

 egon gabe denbora

 joanean penetan;

 edertasuna bañan

 len da osasuna,

 au da billatu bear

 degun ondasuna.