Animali eta beste pistiyen batzarrea

Artola, Ramon

 Pisti aundik, chikiyak

 zituztela jaten,

 kejak legoyagana

 ziratako joaten,

 deitu zituben denak

 batzarre batera

 an zitzan danen gauzak

 argira atera;

 eta batean galde

 egiñik denari,

 iñork kejikan zuben

 agertzeko ari,

 saguba irtenikan

 guzien erdira,

 esan zion: jauna, bai:

 kejak asko dira,

 nik neronek baitauzkat

 zenbait esan naiyan,

 eta gaur gertatutzen

 naizelako gaiyan,

 poz aundiz baitauzkat

 esango guziyak,

 kastigubak banatu

 ditzan justiziyak:

 nere famili dena

 izanikan ona,

 katubak ito digu

 lengoan amona;

 eta maiz sagu chikik

 ito oi dituzte,

 eta kastigu aundik

 merezi dituzte.

 Arratoiak segiran

 esan zion, jauna;

 egiya da sagubak

 kontatzen diona:

 gu ere, beti bizi

 baikera bildurrez,

 ez gera eskapatzen

 beretatik errez.

 Segiruban olloak

 saltarik erdira,

 esan zuben; gaiztonak,

 azariyak dira:

 ardiyak berriz asi

 ziran otso billa,

 esanaz, aiyek galtzen

 zituztela milla:

 otsoak berriz kejaz

 bullan ziran asi,

 zituztenean ala

 olloak ikusi,

 eta besteak ere

 asirikan ala,

 iya alkarren itzik

 aitutzen etzala,

 onetan egin zuben

 iriyak marru bat,

 artean an egin zan

 aundiyena anbat,

 zeñen bere izkeran

 esan baitzuben

 bañan nola etzien

 iñork entenditu,

 zeren jayotzetandik

 baitzan itzdun charra,

 aundi chikik guziyak

 egin zien farra:

 eta artaz errege

 asarreturikan,

 bota zituben denak

 bere aurretikan;

 non aundik ankapean

 paseaz chikiak,

 beren lekubetara

 joan ziran guziyak.

 Ala eziñ egiñik

 ezer erregeak,

 lengo oñean ziran

 gelditu legeak.

 ...............

 Onek erakusten du

 bear dala jakiñ,

 entenditutzen bullik

 gabe alkarrekiñ;

 izketan ezpazaio

 alkarri utzitzen,

 eztala gero gauza

 onik ikusten.